أرانب × أرانب × أرانب

شخصية الشلاخ أو راعي الأرانب موجودة في أي مجتمع بشري ولكنها في مجتمعنا بالذات لها حضور قوي جدا .. باختلاف مراحل العمر

يوم كنا صغار على قولة فيروز ( ترا مالها دخل فيروز بس عشان تدرون اني مثقف ) كانت الارانب بريئة براءة الطفولة وان اختلفت اشكالها ، أقوى الأرانب كانت قصة حسين الحربي اللي طاردوه الدوريات إلى حدود الكويت وضيعهم هناك ورجع ! هذا غير قصته لما عرضوا عليه " الامريكان " يمثل معهم أفلام مطاردات !

الغريبة ان النصبات القوية زي هذي ماعاد نلقا مثلها .. الظاهر على قولة رايح فيها ان اللي كان يطلعها شخص واحد .. ومات أرانب × أرانب × أرانب Smile

طبعا كان فيه أطفال لهم توجهات أخرى وطموحات أعلى ولذلك تجد أرانبهم تبدأ بجملة " ابوي جاب لي " او " ابوي ودانا في الصيف لامريكا ولندن وبريطانيا " وهالنوع من الارانب مثل ماهو واضح أبعاده أوسع ولذلك يكون عمره طويل فنجده يمتد من سن الطفولة إلى سن المراهقة في الثانويات والجامعات وياكثرهم تماسيحنا اذا جاك قال رحت وسافرت وشفت وهو متسدح في الثمامه وان خربها الهافمون أرانب × أرانب × أرانب Biggrin

عند كبار السن الارانب لها طعم مختلف لأن العملية تأخذ عندهم شكل الاحتراف ّ فتجد الحبكة والابداع في الوصف ، ويأخذ كلامه طابع الجدية وخاصة إذا كان مستمعيه أصغر منه سنا بفارق كبير !

هذا غير إن بعض الشيبان الله يطول بأعمارهم عشان تصدقهم يسندون رواياتهم إلى شهود حضروا القصة ويذكرهم بالاسم ولكن الصدفة الغريبة انهم كلهم متوفين الله يرحمهم ويغفر لهم !

من أشهرها والظاهر محد ماقال انها صايرتن له أرانب × أرانب × أرانب Biggrin

قصة الرجل اللي خلص البنزين من وانيته في البر فقعد يتحرى لين شاف له طيارة وصوب عليها بالشوزن وضرب التانكي فلما بدا يخر أخذ طاسة وقعد يلاحق البنزين حتى ملا سيارته ولما مشى بها شوي بدت في الطيران .. شيء طبيعي لانه معبيها بنزين طيارات !

لكن من أجملها قصة ذاك الشايب اللي استنكر جحدة الشباب له في المجلس وتضايق من تجاهل سوالفه لانهم مشغولين بمشاهدة برنامج عن الديناصورات فاستغل فرصة للحديث وقال لهم : ( والله ياذالديناصور اللي تشوفونه اننا لاقين بيضته في القويعية و ان الرجاجيل راقين عليها بسلالم وشاقينها من فوق ، وانهم يغرفون منها بسطول فوالله ان الربع ياكلون منها شكشوكة 30 يوم ) الجميل انه كان من بين الوجود شاب خرجاوي يحبه قلبكم اشتهر بالعيارة وسرعة البديهة فقال : ( سبحان الله !! والله اني كنت بزر واذكر اهل ديرتكم جايين عندنا في الخرج واشتروا كل الطماط اللي زرعناه ذيك السنه عشان يصلحون الشكشوكة ) اقول من اجملها لأنها جمعت ارانب لأجيال مختلفة أرانب × أرانب × أرانب Biggrin

الارانب ماتقتصرعلى حياتناالعادية بس ، ولكن لهاأصولها الأدبية والفكرية ولعل أشهر مثال كتاب"ابوشلاخ البرمائي" للدكتورغازي القصيبي اللي أبدع من خلاله في تصوير شخصيةراعي الأرانب وهو كتاب يعتبرصادق لأن"الكتاب باين من عنوانه"

ولكن المشكلة إذا جاك الواحد يكتب باسم الصدق وهو أبعد مايكون عنه ! مثل ذاك الكاتب العربي المشهور والمحلل السياسي المغوار صاحب الصولات والجولات في اللقاءات والحوارات اللي كلها من مثل : ( قابلت رئيس الدولة الفلاني قبل موته بليلة وصرح لي كذا وكذا )أو أرانب × أرانب × أرانب Frown

هاتفني الرئيس الفلاني من المشفى اللي تعالج فيه في قبل أن يموت وقال لي كذا وكذا ) هذا الكاتب مثل"الهيكل"العظمي يصدر اصوات مرعبة وهو مافي يده إلا مفاتيح ( ... ) أرانب × أرانب × أرانب Smile

أورد " المبرد " في كتابه ( الكامل ) بابا كاملا اسمه ( تكاذيب الاعراب ) وأورد فيه ارانب أو تكاذيب كثيرة ، منها قصة الأعرابي اللي خرج وقت الفجر فرأى قطعة مظلمة فلما اقترب منها وجدها قطعة من الليل لم تعلم ان الصبح قد جاء فنبهها حتى استيقظت ورحلت ( اترك عنك والله ياهي قووووووووية ) أرانب × أرانب × أرانب Biggrin

وإذا علق أحدكم وقال : ( هذا كلام فاضي ) فإن الدكتور عبدالله الغذامي سيرد عليه بان كلمة ( فاضي ) مأخوذة من الفضاء وتدل على اتساع الأفق والخيال وبالتالي هي مدح وليست ذم ( يعني خذوا راحتكم في التفقيش ) أرانب × أرانب × أرانب Biggrin

حتى ان بعض الدارسين الاوروبيين يرون ان فن ( الرواية ) أصوله عربية لان العرب موهوبين في الكذب ( ماجابوا شي جديد ) أرانب × أرانب × أرانب Biggrin

أما ( لاكان ) فهو يصنف الكذب كأحد أهم الفروق بيننا وبين الحيوانات لأننا لدينا مقدرة خاصة على الكذب عكس الحيوان ( الحين ينط واحد حقنة ويقول : وش قصده يعني اللي ماعمرهم كذبوا حيوانات ؟؟ ) أرانب × أرانب × أرانب Biggrin

سؤال لكم :

تخيل انه فجأة صار مافيه كذب ... وعندك فرصة سؤال واحد بس ... وش بتسأل ؟

هااااااي

هههههههههههههههههههههههههههههههههه

مشكووووووووووووووووووووووورهههههههههههههههههههههههه

خير الكلام ما قل ودل