فى حلقة الاعلامي محمود سعد أُعلن عن حاله مرضيه لشخص محتاج عمليه زرع نخاع عاجله جدا ومحتاج لعمل العمليه فى الخارج وتحتاج 150الف يورو أى ما يعادل حوالي مليون وربعمائه ألف جنيه مصري والحاله عاجله جدا
وبالفعل استطاع محمود سعد لم التبرعات عن طريق التليفونات حتى حصل أثناء الحلقة وفي أقل من ساعه على حوالي 850 الف جنيه مصري، وده شيئ عادي بيحدث فى حلقات محمود سعد
لكن كان الأجمل من هذا كله انه اتصل شاب وتبرع بمبلغ 15 جنيه مصري اي مايعادل اثنين دولار امريكي
وبرر هذا الشاب إن المبلغ ضئيل بسبب ان هذا المبلغ هو نصف مايملكه وللعلم هذه الحلقه كانت فى اوائل شهر فبراير يعني لسه قدامهم وقت طويل على آخرالشهر
وأثناء الحلقة اتصل احد الأشخاص المتبرعين وتبرع بمبلغ محترم جدا وقال انني سوف اتبرع ايضا'بمبلغ ألف جنيه للشخص اللي اتبرع ب 15 جنيه
وبعدها اتصل واحد تاني اتبرع للشخص المريض وتبرع أيضا للشخص اللي اتبرع ب15 جنيه بمبلغ خمسمائه جنيه
سبحان الله مانقص مال من صدقه
لان شريف اتبرع بنصف مايملك ربنا فى نفس الوقت عوض عليه بمبلغ ألف وخمسمائة جنيه
وبالفعل استضاف محمود سعد شريف وعرف منه انه مصور تلفزيوني ولم يجد عمل وبالفعل قام وزير الاعلام بتعينه فورا فى مبني التلفزيون المصري
وقال شريف انه كان مستحي من المبلغ القليل للتبرع وعندما سمع أثناء البرنامج عن احتياج شخص لزرع نخاع بالخارج قام شريف وسأل والدته المريضه بالقلب: إحنا معانا كام؟
ردت والدته وقالت اقل من ثلاثين جنيه واحنا لسه مدفعناش فاتوره الكهرباء
فسألها شريف : اتمانعين من اتبرع بنصف المبلغ اللي موجود فى البيت لشخص مريض محتاج
ردت والدته وقالت: وماله يابني اتبرع له ، ماهو ميحسش بالمريض الا المريض اللي زيه
وبالفعل اتصل شريف وابترع بال15 جنيه وربنا عوض عليه ب 1500 جنيه بالاضافه الى وظيفه مصور بالتلفزيون المصري اللي كان يبحلم بيها من زمان
سبحان الله ما نقص مال من صدقه
وصدقه الفقير افضل مليون مره من صدقه الغني
لن تنالوا البر حتى تنفقوا مما تحبون
وصلتني عبر بريدي ولم اتمالك نفسي وبكيت بعدها بكاء الاطفال وتسألت في نفسي هنالك من البشر من يملك الملايين والمال هو في الاصل مال الله سبحانه وتعالى يهبه من يشاء ، فهل هولاء انفقوا من هذه الاموال ؟؟؟ واعتقد ان الحياة قصيرة والدنيا دار مرور وهنالك قبر وصندوق العمل وهنالك جنة ونار (( فهل من يتدبر )) ؟
لا اله الا الله وحده لاشريك له ، له الملك وله الحمد وهو على كل شئ قدير وسبحانه تعالى عدد خلقه ورضا نفسه وزنة عرشه ومداد كلماته وسعت رحمته
لا تنسوني من الدعاء
الثلاثاء مارس 25, 2008 7:56 am
